МЕНИ

Португалскиот интернационалец вчета на дуелот со Виљареал повторно се запиша во листата на стрелци со што постави нов рекорд за Кралскиот Клуб, постигнувајќи погодок во првите четири кола

Кристијано Роналдо вчера го впиша своето име во историјата на Кралскиот Клуб како првиот Мадридиста што ги затресе противничките мрежи во првите четири натпревари од сезоната.

Со петте погодоци Португалецот исто така е на врвот на листата стрелци во Ла Лига, изедначен со Меси и Виља.

А со двата погодока против Цирих во Лигата на Шампионите, Кристијано Роналдо е најдобар стрелец во Европа.

По вчерашниот натпревар со Виљареал, Роналдо рече дека е задоволен од триумфот на Ел Мадригал и додаде дека неговата цел не е да биде најдобар стрелец и важни му се само победите.

“Работите се одвиваат добро, тимот победува и се подобрува, постигнува многу погодоци. Јас исто така сум во добра форма.” – рече Роналдо за AS.

Во првиот дел Реал играше со тројца играчи во средниот ред, мала промене во однос на дуелот со Ксерес.

“Одигравме со различен систем и различни играчи. Тренерот знае што е најдобро за тимот и играчите треба да бидат подготвени на се.”

“Имавме мали проблеми во вториот дел но знаевме дека е потребно да постигнеме втор погодок и го сторивме тоа.”

“Виљареал е тим што игра убаво, тим што сака да го има поседот на топката и тешко е да се победи на нивниот терен.”

“Голот го посветив на Раул? Пред натпреварот тој рече дека ќе постигнам погодок па затоа го посветив на него. Раул е пример за сите“.

“Дали требаше да го изведам пеналот? Тренерот одреди Кака да го изведе ударот од белата точка, но мојата цел не е да бидам најдобар голгетер?”

“Дали сум сигурен? Да, не ми се важни погодоците, она што е важно се победите.”