Претседателот на Бордо, Жан Луи Триод го нападна менаџерот на Арсенал, Арсен Венгер околу начинот на кој се однесува во обидите да го ангажира Маруан Чамак

 Интернационалецот од Мароко беше силни поврзуван со преселба во Арсенал изминатово лето и Бордо одби една понуда од Топџиите.

Се најавува дека Венгер ќе се обиде да го ангажира играчот во зимскиот преоден рок но претседателот на Бордо не е подготвен за комплетирање на зделката и покрај тоа што по крајот на сезоната Чамак ќе може да замине како слободен фудбалер.

“Она што не ми се допаѓа во однесувањето на Арсен Венгер, кој го прави истото деновиве, е тоа што на почетокот, тој го изјави интересот за Чамак пред да ми се јави мен.” – рече Триод.

“Сега, господинот Венгер повторно започнува со истата приказна, повторно го става во недоумица играчот. Мислам дека тоа не е коректно.”

“Можам да кажам дека Маруан во јануари нема да замине.”

Претседателот на Бордо додаде: “Реков дека побарувам 18 милиони евра за трансферот бидејќи во преговорите, знам добро дека секогаш ќе добие спротивна понуда.”

“Венгер ми одговори дека тоа е премногу и ми се јави по 48 часа како што се договоривме. Тој ми понуди седум. Јас му одговорив дека тоа е малку и тој најави дека ќе се слушнеме подоцна но тоа не се случи.”

“Мислам дека Венгер достави понуда толку ниска за јас да ја одбијам, знаејќи дека достави понуда до играчот а додатно чекаше да се види што ќе се случи со неговито состав.”

“Откако виде дека Едуардо е во добра форма, Венгер удеднаш свати дека не му е потребен Чамак па немаше повеќе вести од Лондон.”

“Подоцна повторно се слушнав со него но ми беше кажано дека Чамак повеќе не е нивна цел. Венгер рече дека се работи за одличен фудбалер, дека има голема почит за него, но без разлика на цената нема да го ангажира.”

Powered by: 24 FUDBAL.com.mk