Италија | Според пишувањата на Tuttosport, Џиџи Буфон ќе стави потпис на нов договор до крајот на следната недела...

Капитенот на Јувентус е под договор до 30. јуни 2013, но двете страни подолго време водат преговори за продолжување на соработката.
 
Последните извештаи велат дека ’Бјанконерите’ и Џиџи Буфон успеале да постигнат согласност, а вестите за новиот договор ќе пристигнат следната недела.
 
Tuttosport денеска објави дека по дуелот со Челзи во Лигата на Шампионите, ’Старата Дама’ ќе соопшти дека голманот ја продолжил верноста до 30. јуни 2016.
 
Весникот од Торино додава дека италијанскиот репрезентативец, кој во моментов заработува 5,5 милиони евра, прифатил големо намалување на платата, и во иднина ќе добива 3,5 милиони евра по сезона.
 
Сепак, во новиот договор на Буфон ќе има неколку богати клаузули за бонус.
 
Триумф на Јувентус во Серија А, ќе му донесе на Буфон екстра 500 000 евра, а двојна титула, односно Скудето и трофејот од Лигата на Шампионите, ќе го направат голманот побогат за 1,5 милиони евра.