Англија | Поранешниот тренер на Ливерпул и Интер, Рафа Бенитез вели дека ја чека вистинската понуда за да му се врати на фудбалот...

Бенитез нема работа од декември 2010 година кога беше отпуштен од Интер, клубот во кој не се прослави многу.
 
Шпанецот веќе две години е без работа, престојува во Ливерпул и ја чека вистинската понуда од клуб кој би бил конкурентен во сите натпреварувања.
 
„Ја чекам вистинската понуда, па цело време следам натпревари и ги анализирам" - вели Бенитез.
 
„Целта е да се натпреварувате за трофеи. Па сакам да бидам тренер на голем клуб во голема земја, тим со кој можете да бидете конкурентни во сите натпреварувања, фудбалот е професионална и сериозна игра".
 
„Не е работата само да пронајдам работа. Сакам да најдам клуб со кој ќе можам да ги остварам целите".
 
„Приоритет ми е Премиерлигата поради мојата фамилија која е тука, тука сум со години. Но ми се допаѓаaт и Шпанија, Германија, Италија. Сега зависи од понудите".
 
Бенитез се пофали дека и тој е заслужен за развојот на младите фудбалери како што се Стерлинг, Сусо, Висдом... кои влегоа во првиот тим на Ливерпул.
 
„Во мојата последна година на кормилото на Ливерпул, чувствував дека имаме проект. Се обидовме повеќе да ја контролираме академијата".
 
„Ја променивме филозофијата и стилот на игра. Начинот на тренирање и сите други работи ги ставивме во една насока".
 
„Сега можете да ги видите Рахим Стерлинг, Сусо, Висдом и сите други фудбалери кои дојдоа од академијата, мислам дека тоа е добро за иднината на клубот".