Шпанија | Кристијано Роналдо им се заблагодари на фановите за поддршката, вети дека наскоро ќе биде 100% фит...

Португалецот доби лакт во лицето на дуелот со Леванте во неделата, и на теренот издржа само 45 минути.
 
Поради повредата, Кристијано Роналдо беше приморан да се повлече од составот на Португалија за пријателскиот натпревар со Габон.
 
Фудбалерот сеуште мирува, но според медиумите од Шпанија, најверојатно ќе биде подготвен за дуелот со Атлетик Билбао во сабота.
 
Во меѓувреме, Роналдо им се заблагодари на фановите за пораките со поддршка, Португалецот исто така изрази надеж дека наскоро ќе биде 100% фит.
 
„Ви благодарам за пораките што ги испративте изминативе денови” – напиша CR7 на својот Фејсбук.
 
„Се чувствуам подобро, се надевам дека наскоро ќе бидам 100% фит”.