Италија | Агентот на Весли Снајдер вели дека неговиот клиент нема да замине во Анжи во јануарскиот преоден рок, Холанѓанецот останува во Интер.

Информациите од Русија велеа дека Анжу нуди 20 милиони евра за ангажман на Весли Снајдер.
 
Сепак неговиот агент, Сорен Лерби вели дека плејмејкерот на Интер останува на Џузепе Меаца.
 
„Весли нема намера да замине во Анжи или Русија. Овие гласини не се вистинити" - изјави агентот.
 
„Не знам од каде доаѓаат овие приказни, веројатно некој треба да го праша Гус Хидинк или Анжи".
 
„Интер е клуб на Снајдер, место каде што тој е многу среќен од сите аспекти".
 
Поради проблемите со повредите, Снајдер има само пет настапи оваа сезона во Серија А.