Италија | Според пишувањата на медиумите од Италија, Горан Пандев би можел да биде надвор од терените и до три недели...

Македонскиот интернационалец поради повреда мораше пред време да го заврши вчерашниот дуел со Џенова, натпревар на кој Наполи славеше со 4-2 со пресврт во второто полувреме.
 
Медиумите од Италија пренесуваат дека првичните тестови извршени врз Горан Пандев покажале дисторзија од прв степен на скочниот зглоб.
 
Со ваква прогноза, се очекува напаѓачот да паузира помеѓу 10 и 20 дена.
 
Денеска врз Горан Пандев ќе бидат извршени детални тестови кои ќе го покажат точниот тип на повредата, но според медиумите, малку е веројатно дека Македонецот ќе биде фит за дуелот на Наполи против Милан во сабота.