Шпанија | Лионел Меси го помина достигнувањето на Пеле од 75 погодоци во една календарска година, потребни му се уште 10 гола за да го надмине и Герт Милер и да стане рекордер...

Со двата гола против Мајорка, Меси дојде до бројката од 76 голови во една календарска година поминувајќи го Пеле.
 
На ѕвездата на Барселона потребни му се уште десет погодоци до крајот на годината за да го помине рекордот на Герт Милер и да стане фудбалерот кој постигнал најмногу голови во една година.
 
Во 1958 година Пеле постигна 75 голови за Бразил и Сантос, Милер во 1972 година 85 пати ги тресеше противничките мрежи во дресот на Западна Германија и Баерн Минхен.
 
„Рекордот на Лео е спектакуларен" - изјави Тито Виланова по вчерашниот натпревар.
 
„Некои фудбалери до оваа бројка стигнуваат во седум или осум сезони, тој успеа за само една. И најголемиот дел од неговите погодоци се фантастични".