Италија | Карло Анчелоти и Леонардо упатија силни критики на адреса на судијата Клемен Турпин по вчерашното реми од 1-1 на гостувањето кај Монпеље...

’Светците’ игаа со играч помалку од 10. минута, кога судијата му покажа црвен картон на Мамаду Сако.
 
Карло Анчелоти верува дека дефанзивецот бил неоправдано исклучен, и го обвини судијата Клемен Турпин дека има проблем со ПСЖ.
 
Турпин му судеше на ПСЖ и на дуелот со Ајачио, тогаш судијата му покажа црвен картон на Езекиел Лавеци, а на трибините го испрати и Карло Анчелоти.
 
„Мислам дека има проблем со господинот Трупин, кој веќе ни покажа три црвени картони” – рече тренерот на ПСЖ. „Мислам дека не сме агресивен тим”.
 
„Ги почитуваме противниците, ги почитуваме судиите, имаме почит кон сите”.
 
„Па барам и кон нас да биде покажана почит”.
 
„Сако не заслужи да биде исклучен. Ваквите работи мора да престанат. Турпин е млад, но чувствувам дека тој сака да биде премногу важен за време на натпреварот. Овој пат погреши”.
 
Спортскиот директор на ПСЖ, Леонардо исто така упати критики на адреса на судијата.
 
„Невозможно е да не зборуваме за судијата” – рече Бразилецот. „По само десет минути игра останавме со играч помалку... Тешко е да разберам зошто Сако беше исклучен”.
 
„Ги видов повторените снимки, мислам дека напаѓачот на Монпеље најпрво направи прекршок врз Сако, а потоа двајцата фудбалери се влечеа за дрес”.
 
„Немам ништо против господинот Турпин. Тој е млад, има 30 години. Треба уште многу да учи”.
 
„Но се работи за истиот судија кој им покажа црвен картон на Лавеци и Анчелоти на дуелот со Ајачио”.
 
„На крајот од сезоната, секогаш најдобриот тим победува, но тешко е да живеете со вакви ситуации”.