Италија | Силвиот Берлускони му укажал доверба на Масимо Алегри, стратегот останува на кормилото на Милан...

По слабиот старт во новата сезона, често се говори дека е разнишано тренерското столче на Масимо Алегри, и покрај тоа што ’Росоњерите’ постојано му укажуваа доверба на стратегот.
 
Позицијата на Алегри е под знак прашалник, а вчерашниот пораз од Фиорентина само придонесе да се појават нови шпекулации за неговата иднина.
 
Сепак, ’Росоњерите’ одново застанаа зад својoт тренер, лидерите на клубот решиле да продолжат со 45 годишниот стратег.
 
Медиумите од Италија пренесуваат дека вчера, во доцните вечерни часови, претседателот на Милан, Силвио Берлускони се сретнал со потпретседателот Адриано Галијани.
 
Лидерите на Милан потоа имале состанок со Масимо Алегри и разговарале за ситуацијата во која се наоѓа клубот.
 
По крајот на состанокот, Силвио Берлускони и Адриано Галијани одлучиле да не му врачат отказ на Алегри.
 
Извештаите исто така говорат дека Берлускони во петок ќе го посети Миланело, екс-премиерот на Италија ќе разговара со фудбалерите во обид да го мотивира тимот во пресрет на незгодното гостување кај Наполи.