Англија | Напаѓачот на Челзи, Фернандо Торес сака да стави крај на разочарувачките резултати против својот поранешен клуб Ливерпул...

Откако го замени Енфилд со Стемфорд Бриџ во трансфер вреден 50 милиони фунти, ’Ел Нињо’ нема победа против својот поранешен клуб.
 
Од пет средби, Ливерпул победи на четири, Челзи славеше на еден дуел, но на тој натпревар, ФА Куп финалето во 2012, Фернандо Торес не играше.
 
Во недела, ’Сините’ го пречекуваат Ливерпул, а Фернандо Торес сака да стави крај на разочарувачките резултати против својот поранешен клуб.
 
„Ова е голем натпревар” – рече Торес.
 
„Во моментов се наоѓаме на втората позиција на табелата, па сакаме што поскоро да се вратиме на врвот”.
 
„Првиот чекор е победа над Ливерпул на Стемфорд Бриџ”.
 
Шпанецот потоа додаде: „Тие со нетрпение го очекуваат натпреварот бидејќи им се потребни бодови, потребни им се победи на овие големи натпревари за зголемување на самодовербата”.
 
„Но и нам ни е потребна победа, се надевам дека трите бода ќе останат на Стемфорд Бриџ”.