Лига на Шампиони | Жозе Мурињо потенцира дека кога ја освојувал Лигата на Шампионите завршувал како втор во групната фаза, па нема влијание тоа на кое место ќе биде Реал Мадрид...

Реал Мадрид се спасуваше од пораз во дуелот против Борусија Дортмунд, Кралевите имаат реални шанси групната фаза да ја завршат како второпласирани.

„Губевме и го загубивме Игуаин поради повреда. Немавме друг централен напаѓач на клупата, па моравме да користиме четворица офанзивни играчи со многу движења и промени на позициите" - вели Жозе Мурињо.

„Бидејќи игравме со четворица офанзивни играчи, моравме да го промениме и Модриќ со Есиен".

„Направивме две големи грешки во првото полувреме, и нормално е кога играте против големи тимови, тие тоа да го искористат".

„Во првото полувреме Дортмунд играше голем период со топката без притисок од наша страна, но во второто полувреме беше поинаку. Тимот беше брз, динамичен и агресивен, и ми се допадна".

„Доколку групната фаза заврши сега, ние сме квалификувани. Ова е најтешката група и самиот пласман во следната фаза е успех".

„Ако завршивме на второто место, тоа ќе биде проблем за тимовите кои завршиле први во нивните групи".

„Доколку бев фан ќе преферирав вакви натпревари и ваква тешка група, а не група како другите кои наликуваат на Лига Европа".

„Двата пати кога ја освоив Лигата на Шампионите со Порто и Интер, бев второ место во групата".

„Јасно е дека ќе се обидеме да финишираме на првото место и да ги освоиме сите можни бодови".