Лига на Шампиони | Анџело Алесио инсистира дека ’Бјанконерите’ не смеат да кикснат против Нордсјеланд, ’Старата Дама’ мора да победи по секоја цена...

Јувентус има само три бода по првите три кола во Лигата на Шампионите, па ’Бјанконерите’ мора да триумфираат во дуелот со аутсајдерот Нордсјеланд доколку сакаат да ги задржат шансите за пласман во нок-аут фазата.
 
„Знаеме колку е важен овој натпревар” – рече помошник тренерот на Јувентус.
 
„Се работи за дуел на кој мораме да побдиме по секоја цена доколку сакаме да се пласираме во следната рунда”.
 
“Доколку сме добри ќе се пласираме, доколку не сме добри нема да се пласираме“.
 
„За да освоиме три бода, потребно е да бидеме одлучни и гладни за успех. Нашата цел е да играме во нок-аут фазата”.
 
„Но во исто време мораме да признаеме дека сеуште сме тим во развој, имаме многу фудбалери кои за прв пат играат во вакво натпреварување”.
 
Анџело Алесио исто така откри дека Алесандро Матри ќе го предводи нападот на Јувентус, во отсуство на повредениот Мирко Вучиниќ.
 
„Матри ќе биде стартер, ќе видиме кој ќе биде неговиот партнер, дали Кваљарела или пак Џовинко”.
 
„Конте ја донесе оваа одлука, верува дека Алесандро е идеален за овој натпревар“.
 
„Среќни сме со напаѓачите кои ги имаме на располагање и веруваме во нивниот квалитет”.