Англија | Менаџерот на Арсенал, Арсен Венгер вели дека иднината на Тео Волкот, на еден или друг начин, мора да биде разрешена до Божиќ...

Англискиот репрезентативец е обврзан кон ’Топџиите’ до 30. јуни 2013 и досегашните преговори за нов договор не вродија со плод.
 
Медиумите од ’Островото’ шпекулираат дека Тео Волкот бара неделна плата од околу 100 000 фунти, но Арсенал не помислува да ја наруши структурата на плати, и му нуди на фудбалерот неделна плата од 75 000 фунти.
 
Волкот исто така бара во иднина да игра како централен напаѓач а не по крилните позиции, нешто кое Венгер вети дека ќе му го овозможи.
 
Голем број на клубови пројавуваат интерес за услугите на Англичанецот, а менаџерот на Арсенал денеска истакна дека очекува ситуацијата на Волкот да биде разрешена до Божиќ.
 
Запрашан за договорот на Волкот, Венгер рече: „Итно е, не знам колку, но итно е.“
 
„Сакам ситуацијата на Волкот да биде разрешена до Божиќ, на еден или друг начин”.
 
„Неговата правилна позиција е во централниот дел на нападот, и ќе игра таму во иднина”.
 
„Обожава да постигнува голови, има добро темпо и прави интелегентни движења. Волкот е олдичен финишер”.
 
Запрашан дали Арсенал ќе мора да го продаде Волкот доколку фудбалерот не стави потпис на нов договор до јануари, Венгер одговори: „Не би сакал да го сторам тоа”.
 
„Не сум размислувал за ова, бидејќи во моментов мислам дека ќе успееме да го продолжиме договорот на Волкот”.
 
Доколку двете страни не постигнат согласност за продолжување на соработката, Волкот веќе во јануари ќе може да го искористи босман правилото, да започне преговори со други клубови, и да потпише пред-договор.