Шпанија | Денес на Лионел Меси му беше врачена Златната Копачка за најдобар стрелец во Европа...

Меси ја освои Златната Копачка за минатата сезона која му се доделува на најдобриот стрелец во домашните шампионати во Европа.
 
Ѕвездата на Барса постигна фантастични 50 погодоци во Примера и со четири гола повеќе заврши пред Кристијано Роналдо.
 
Денес свечено ја прими Златната Копачка, за која вели дека не би можел да ја освои без помошта на неговите соиграчи.
 
„Ова е награда за постигнување на погодоци, но без моите соиграчи не можев да ги дадам головите" - изјави Меси.
 
Ова е втора Златна Копачка за Лионел Меси, првата ја доби во 2010 година, тогаш постигна 34 гола во Примера.
 
Меси заедно со Кристијано Роналдо се најсериозните кандидати за Златната Топка која му се доделува на најдобриот фудбалер.