Англија | Менаџерот на Челзи, Роберто Ди Матео не сакаше да потврди дали Џон Тери ќе остане долгорочен капитен на ’Сините’...

Откако Џон Тери вчера реши да не ја обжали одлуката на ФА за суспензија од четири натпревари, Челзи најави дека ќе покрене дисциплинска постапка против играчот без притоа да бидат откриени детали за типот на казната.

Многумина веруваат дека ’Сините’ треба да му ја одземат капитенската лента на Тери, па на денешната прес конференција новинарите го запрашаа Роберто Ди Матео дали дефанзивецот ќе остане капитен на Челзи и во иднина.

„Ќе треба да почекате и да видите”  - рече менаџерот на Челзи.

„Јавно не ги дискутираме дисциплинските постапки што ги превземаме кон нашите фудбалери”.

„Тие остануваат тајна. Во прашање се работи што се случуваат внатре во клубот, па нема да дискутираме за нив”.

„Ја цениме одлуката на Тери да не ја обжали суспензијата и паричната глоба. Тој исто така искрено им се извини на сите, вклучувајќи го и семејството Фердинанд.”