Италија | Алесандро Неста вели дека добро се прилагодил на животот во Монтреал, нема намера да се врати во јануари како фудбалер во Европа, следниот ангажман на Стариот континент ќе му биде како тренер...

Поранешниот дефанзивец на Лацио и Милан, Алесандро Неста во летниот преоден рок се пресели во МЛС, во тимот на Монтреал.
 
"Има многу италијански менталитет тука, физичкото ниво на игра е многу високо, играат како вистински животни на теренот" - изјави Неста за Sportmediaset.
 
"Тука има помалку притисок отколку во Серија А. Се вклопив многу добро, мојата фамилија е среќна, клубот е солиден".
 
"Добив голема помош од соиграчите Марко Ди Ваио, Матео Ферари и Ривас".
 
Неста беше запрашан дали би се вратил во Европа на краткорочна позајмица како што тоа го направија Дејвид Бекам и Тиери Анри.
 
"Не, веќе го закажав мојот одмор во Мајами. Еден ден ќе се вратам, но како тренер".