Англија | Манчестер Сити ги отфрла сториите кои го поврзуваа актуелниот шампион на Англија со ангажман на Сеск Фабрегас и Серхио Бускетс...

Вчера медиумите од Шпанија објавија дека ’Граѓаните’ пројавуваат интерес за двајца фудбалери на Барселона, Сеск Фабрегас и Серхио Бускетс.
 
Сепак, актуелниот шампиона на Англија ги отфрла ваквите стории, Манчестер Сити негира дека се доставени понуди за Фабрегас и Бускетс.
 
„Нема вистина во ваквите стории. Не сме доставиле понуди за овие фудбалери. Манчестер Сити категорично ги негира ваквите написи.” – гласи известувањето на тимот од Етихад Стадионот.
 
И покрај тоа што Роберто Манчини има голем избор на фудбалери за средниот ред, медиумите често шпекулираат дека Сити ќе се обиде да го засили овој дел од тимот во зимскиот преоден рок.
 
Даниеле Де Роси од Рома исто така е на листата со желби на ’Граѓаните’.