Франција | Џои Бартон го покажа својот незгоден темперамент и во Франција, контроферзниот фудбалер за малку ќе направеше тепачка на пријателски натпревар...

Англичанецот доби суспензија од 12 натпревари откако во последното коло од минатата сезона во Премиерлигата, на дуелот помеѓу Манчестер Сити и КПР, направи голем инцидент.
 
Тогаш, проблематичниот Џои Бартон најпрво со лакт го удри Карлос Тевез, потоа го удри и Серхио Агуеро, а се обиде да се пресмета и со Винсент Компани.
 
Кон финишот на летниот трансфер период, КПР реши да се раздели со Бартон, а фудбалерот се пресели во Марсеј.
 
Поради суспензијата, Бартон сеуште не може да дебитира во првенството на Франција, па формата ја одржува на пријателски натпревари и средбите во Лига Европа.
 

 
Оваа недела тој одново го покажа својот незгоден темперамент, и за малку ќе направеше тепачка на пријателскиот натпревар помеѓу Марсеј и Истре.
 

 
По еден незгоден старт на Бартон над напаѓачот Ниангбо, двајцата фудбалери влегле во жестока расправија, па соиграчите биле приморани да реагираат и да спречат поголем инцидент.