СП 2014 | По девет натпревари, мрежата на Икер Касиљас беше затресена, капитенот на Шпанија постави нов рекорд од 818 минути без примен гол...

Икер Касиљас во дресот на Шпанија немаше примено гол уште од првиот натпревар на ЕВРО 2012, кога Ди Натале ја затресе неговата мрежа.
 
Голманот повеќе од 13 часа го чуваше недопрен голот на ’Црвената Фурија’, но оваа добра серија беше прекината вчера.
 
Во завршните мигови од дуелот помеѓу Шпанија и Франција во квалификациите за СП 2014, Оливие Жиру го совлада Касиљас и на ’Триколорите’ им донесе бод од гостувањето на Висенте Калдерон.
 
Капитенот на двократниот светски шампион постави нов рекорд од 818 минути без примен гол.
 
Тој го подобри својот рекорд од 2008, кога успеа да ја сочува мрежата на Шпанија 708 минути.