Англија | Фудбалската Федерација на Италија соопшти дека напаѓачот Фабио Борини заработил фрактура на десното стапало...

Фабио Борини беше на подготовки со селекцијата на ’Аѕурите’ до 21 година, за плеј-оф двомечот со Шведска за пласман на Европското Првенство што следната година ќе се одигра во Израел.
 
На вчерашниот тренинг, напаѓачот добил удар, а деталните прегледи покажале дека Борини има фрактура на десното стапало.
 
Повеќе детали не се откриваат, а според пишувањата на медиумите, можно е фудбалерот да паузира и до два месеци.
 
Ваквите вести се голем проблем за Ливерпул, со оглед на тоа дека ’Црвените’ и претходно немаа голем избор на фудбалери за нападот.
 
Брендан Роџерс на располагање ќе го има само Луис Суарез, менаџерот на Ливерпул ќе биде принуден уште повеќе да се наслони на фудбалерите од младинските категории.