Италија | Горан Пандев верува дека Наполи може да победи на гостувањето во Торино, Македонецот бара одмазда за поразот од Јувентус во Суперкупот на Италија...

Нашиот репрезентативец во моментов е фокусиран на дуелите со Хрватска и Србија во кфалицикациите за СП 2014, а потоа своето внимание ќе го насочи кон Серија А и дерби пресметката помеѓу неговиот Наполи и Јувентус.
 
Двете екипи веќе еднаш се сретнаа оваа сезона, во Суперкупот на Италија, кога ’Наполитанците’ во два наврати водеа но на крајот ’Старата Дама’ триумфираше со 4-2 во продолженијата.
 
На тој натпревар Горан Пандев доби црвен картон за навреди упатени кон помошник-судијата, нешто што напаѓачот катагорично го негираше.
 
Во интервју за Tuttоsport, Македонецот сега бара одмазна за поразот во Пекинг, и верува дека Наполи може да слави на гостувањето во Торино.
 
“Дуелот во Суперкупот на Италија беше монтиран.” – рече Пандев. “Не му кажав ништо на линискиот судија, но и покрај тоа бев исклучен.”
 
“Едно нешто е сигурно, на следниот натпревар ќе молчам. Дури и да бидам фаулиран нема да го погледнам судијата во лице.”
 
“Сега знам како да играм против Јувентус...”
 
Напаѓачот потоа додаде: “Постигнав три погодоци против Јуве во дресот на Наполи, и сега сакам уште еден гол.”