Лига на Шампиони | Тренерот на Борусија Дортмунд, Јирген Клоп вели дека нивната цел е да обезбедат позитивен резултат од гостувањето на Етихад Стадионот...

По осум години пауза, ’Милионерите’ минатата сезона се вратија во најелитното европско натпреварување, но разочараа со четири порази и последното место во групата.
 
Јирген Клоп вели дека тие сега имаат поголемо искуство кое ќе им биде од голема корист.
 
Тренерот на Борусија Дортмунд исто така додава дека нивната цел е да освојат некој бод од гостувањето кај Манчестер Сити.
 
Запрашан дали неговиот тим се навикнал на играњето во Лигата на Шампионите, Клоп рече: “Направивме чекор напред, научивме многу од поразите во минатата сезона.”
 
“Дуелот со Сити ќе биде специјален, но на крајот се се сведува на едно, ние дојдовме во Манчестер за да освоиме некој бод.”
 
“Фокусирани сме на оваа цел, сакаме да обезбедиме позитивен резултат, но ќе се помириме доколку не успееме.”
 
Клоп потоа додаде: “Знам дека Сити во неколку наврати ги следеше нашите игри, па нема да бидат изненадени.”
 
“Ние го гледавме нивниот дуел со Арсенал, кој заврши 1-1.”
 
“Нашиот стил на игра е прилично сличен со оној на Арсенал. Можно е на Манчестер Сити да му треба време за да се адаптираат на таков фудбал, но ова е Лигата на Шампионите, ова е поинакво натпреварување.”