Лига на Шампиони | Роберто Манчини вели дека Манчестер Сити мора да прикажува подобри игри во најелитното европско натпреварување или во спротивно ризикува нов неуспех...

Минатата сезона, во своето деби во Лигата на Шампионите, ’Граѓаните’ беа елиминирани уште во групната фаза.
 
Актуелниот шампион на Англија и оваа сезона е во тешка група, па Роберто Манчини бара подобрување од својот тим со цел да се избегне нов неуспех.
 
Италијанецот исто така верува дека тој е способен да го предводи Манчестер Јунајтед до триумф во Лигата на Шампионите, и покрај тоа што немаше многу успех со Интер при настапот во најелитното европско натпреварување.
 
“Лигата на Шампионите е различно натпреварување, но фудбалот е ист, сеуште играме 11 против 11.” – рече Манчини на прес конференцијата.
 
“Проблем е тоа што секогаш играте против најдобрите тимови од другите земји, па затоа секогаш е тешко.”
 
“Се надевам дека ќе можам да го подобрам мојот рекорд во Лигата на Шампионите и верувам дека сме способни за триумф во Лигата на Шампионите, но повторно се најдовме во тешка група.”
 
“Ни преостануваат уште пет натпревари и можеме да забележиме прогрес во следната фаза.”
 
Стратегот потоа додаде: “Високите очекувања се нормална работа во фудбалот, но знам колку е тешко да се освои Лигата на Шампионите.”
 
“Ова е само наша втора година во најелитното европско натпреварување, и втора година по ред се паѓаме во најтешката група.”
 
“Потребно ни е време за да се подобриме во Лигата на Шампионите, но немаме премногу време на располагање, имаме само пет натпревар.”
 
“Не смееме да примаме лесни голови како на дуелот со Реал Мадрид, и треба брзо да се подобриме.”
 
За денешниот противник, Манчини рече: “Не можете да ја освоите Бундеслигата доколку немате силен тим, а Борусија Дортмунд две години е шампион.”
 
“Имаат млади фудбалери и фантастичен тренер, па очекувам извонреден натпревар.”
 
“Мислам дека се еден од најдобрите тимови во Европа. Имаат офанзивни фудбалери како Марко Ројс, Марио Геце и Роберт Левандовски.”
 
“Ќе треба добро да си ја завршиме работата, да не им оставиме простор за игра, и да направиме колку што е можно помалку грешки.”