Лига на Шампиони | Менаџерот на Арсенал, Арсен Венгер сака неговиот тим со победа над Олимпијакос во Лигата на Шампионите да го заборави поразот од Челзи...

Арсенал одлично ја започна новата сезона, но добрата серија беше прекината изминатиов викенд, кога на Емирати Стадионот ’Топџиите’ загубија во градското дерби против Челзи.
 
Вниманието на Арсенал сега е кон Лигата на Шампионите, и Арсен Венгер сака неговиот тим одново да се врати на победничките патеки.
 
“Фудбалерите се разочарани од поразот против Челзи.” – рече менаџерот на Арсенал.
 
“Но сега пред нас е натпревар од Лигата на Шампионите, потребно е да заборавиме на претходниот натпревар, и да го обезбедиме посакуваниот резултат.”
 
“Можеме да извлечеме многу позитивни работи од последниот натпревар, исто така лесно ќе ги поправиме грешките.”
 
“Првенството е долго, но треба да се погрижиме и дека сезоната во Лигата на Шампионите ќе биде долга.”
 
“Импресиониран сум од менталитетот на мојот тим. Сега треба да покажеме дека умееме да го надминеме разочарувањето и убеден сум дека ќе го сториме токму тоа.”
 
Венгер потоа додаде: “Олимпијакос веќе е во лоша ситуација по поразот на домашен терен во воведниот натпревар.”
 
“Тие се екстремно мотивирани и знаат дека треба да го дадат максимумот за да се пласираат во следната фаза.”
 
“Мислам дека во слична сезона беа и минатата сезона, по поразот на стартот одговорија со со солидни перформанси.”