Голманот на шпанската репрезентација, Икер Касиљас е среќен што го надмина рекордот на Зубизарета откако не прими гол за 57 натпревари за Црвената Фурија.

Во средата Икер Касиљас дојде до бројката од 57 натпревари за шпанската репрезентација без примен гол, што значеше и нов рекорд во неговата земја.

Голманот на Реал Мадрид има одиграно вкупно 98 натпревари за Шпанија и тргнува кон соборување на нов рекорд кој исто така го држи Зубизарета, тој има најмногу настапи за репрезентацијата, вкупно 126.

"Секогаш се чуствувам среќен и горд кога ќе соборам рекорд и тоа на фудбалери каков што е Зубизарета, тоа е уште повредно ако се знае дека во Шпанија имаме голмани со голем квалитет" - изјави Касиљас.

"Свесен сум дека сум блиску до стотиот настап за националниот тим бидејќи медиумите ми го кажуваат тоа пред секој натпревар".

"Не знам кога ќе го достигнам тоа. Дали ќе биде на квалификациски меч, на прославата по повод 100 години од шпанската федерација или на Светското првенство. Но тоа ќе биде посебен момент".

"Ќе бидам третиот шпански фудбалер кој ќе ја помине таа граница, но сигурен сум дека многу од моите соиграчи порано и подоцна ќе го направат истото" - заврши Касиљас.

Powered by: 24 FUDBAL.com.mk