Англија | Давид Силва е фокусиран само на настапите за Манчестер Сити, вели дека во неговиот нов договор нема клаузула според која може да замине во Реал Мадрид или Барселона...

Силва го продолжи актуелниот договор, според новиот тој во Манчестер Сити ќе остане до 2017 година.
 
Шпанскиот фудбалер ги уверува фановите дека во мислите го носи само Сити, и нема шанса да замине во Реал Мадрид или Барселона.
 
"Го обновив мојот договор бидејќи сум среќен тука" - изјави Силва за радио Cope.
 
"Се надевам дека ќе продолжиме да напредуваме и да се бориме за повеќе титули".
 
"Во моментов размислувам на тоа, не на мојата иднина. Размислувам само на тоа да продолжам да играм, да уживам и да се обидеме да освојуваме уште титули".
 
"Нема клаузула во мојот договор која ми дозволува да заминам во Реал Мадрид или Барселона".
 
Силва верува дека дуелот со Фулам на Кревин Котиџ во сабота е клучен за Манчестер Сити по лошиот старт на новата сезона.
 
"Вистината е дека во моментов не играме добар фудбал и треба да се подобриме, минатата година стартувавме многу добро".
 
"Треба да се вратиме на тоа ниво, да работиме напорно за да имаме подобри резултати".
 
"Не стартувавме онака како што сакавме, но сеуште сме во борба за титулата. Лигата само што започна, исто како и Лигата на Шампионите".