Франција | Претседателот на ПСЖ, Насер Ал Келаифи вели дека во моментов тие не пројавуваат интерес за услугите на Кристијано Роналдо...

Неодамна, Роналдо ја разбранува фудбалската јавност велејќи дека не е среќен во Реал Мадрид, а некои медиуми дури шпекулираа дека фудбалерот сака да замине од Сантијаго Бернабеу.
 
Од таборот на ПСЖ велат дека тие немаат никаква врска со ваквата состојба на Португалецот.
 
Во интервју за Marca, претседателот на ’Светците’, Насер Ал Келаифи вели дека во моментов тие не пројавуваат интерес за услугите на CR7.
 
Запрашан дали Роналдо не е среќен поради нешто што му е кажано од ПСЖ, Тој рече: “Не, ова не е вистна.“
 
“Доколку Кристијано Роналдо е тажен, тоа не е поради ПСЖ.“
 
“Доколку сме заинтересирани за Роналдо, најпрво ќе разговараме со Реал Мадрид.”
 
“Дали можеме да го направиме Роналдо среќен? Не сакам да зборувам за фудбалери на други клубови.”
 
“Имаме почит кон Реал Мадрид и Флорентино Перез, кој е одличен претседател. Прерано е да зборуваме за Роналдо.”
 
Келаифи исто така вели дека една од целите на ПСЖ е да се пронајдат млади талентирани фудбалери, но тој признава дека посакува да ги види Меси и Роналдо како играат заедно на Паркот на Принцовите.
 
“Во околината на Париз живеаат околу 20 милиони жители, па сигурно помеѓу нив има доста талентирани деца.”
 
“Би можеле да го најдеме новиот Меси, или пак новиот Кристијано Роналдо.”
 
“Меси и Роналдо се двајцата најдобри фудбалери во светот, и би било одлично да ги имате двајцата во вашиот тим.”
 
“Тие имаат уникатен шарм. Ми се допаѓаат двајцата.”