Англија | Роберто Манчини ги негира сториите кои велеа дека тој имал жестока расправија со Марио Балотели во пресрет на дуелот со Реал Мадрид...

Репрезентативецот на Италија од трибините го следеше натпреварот помеѓу Реал Мадрид и Манчестер Сити во Лигата на Шампионите, а медиумите шпекулираа дека во пресрет на пресметката на Сантијаго Бернабеу, Манчини и Балотели имале жестока расправија.
 
Се говореше дека Манчини е бесен на Балотели поради бурниот ноќен живот на напаѓачот, како и поради фактот што ’Супер Марио’ не сака да се откаже од цигарите, па стратегот полека го губи трпението со 22 годишниот фудбалер
 
Сепак, ваквите гласини беа негирани од страна на менаџерот на ’Граѓаните’.
 
На денешната прес конференција, Роберто Манчини рече: “Сториите се целосно неточни.”
 
“Марио беше на трибините бидејќи одлучивме да старуваме со Карлос Тевез во нападот, и не можевме да си дозволиме тројца напаѓачи на клупата за резерви.”
 
“Немаше расправија помеѓу нас двајцата.”