Англија | Дидие Дрогба вели дека не жали за одлуката да се пресели во Шангај Шенуа, и во моментов не помислува за враќање во Премиерлигата...

По осум години поминати на Стемфорд Бриџ, Дидие Дрогба летово го напушти Челзи, и реши да ја продолжи кариерата во Шангај Шенуа.
 
Но по само неколку месеци поминати во Кина, медиумите почнаа да го поврзуваат напаѓачот со враќање во Европа.
 
Се шпекулира дека пости недоразбирање помеѓу сопственицаите на клубот во нивната борба за моќ, па Шангај Шенуа нема да може да ја плаќа платата на Дрогба.
 
Извештаите велат дека Ливерпул и Арсенал сакаат да го вратат фудбалерот во Премиерлигата, но Дрогба не размислува за заминување од Кина.
 
За BBC Sport тој рече: “Се надевам дека ќе останам тука долги години, бидејќи сум навистина среќен.”
 
“Ми недостасува Премиерлигата, се работи за најдоброто првенство во светот, но не жалам за изборот што го направив.”
 
“Нависина сум среќен во Шангај Шенуа, па нема причина за да заминам. Не сакам да заминам.”
 
И покрај тоа што Шангај Шенуа има големи амбиции, оваа сезона клубот бележи слаби резултати и се наоѓа на 9. место на табелата на шест кола до крајот на сезоната.
 
“Сакам да останам тука што е можно подолго, да освојувам трофеи и да ги направам фановите среќни.”
 
“Во моментов е тешко, но знам дека има верба и надеж.”