Лига Европа | Агим Ибраими постигна гол за Марибор, Тасевски, Георгиевски, Лазевски и Митревски одиграа по 90 минути за своите клубови во Лига Европа...

Селекторот на македонската фудбалска репрезентација, Чеде Јаневски може да биде задоволен од настапите на нашите фудбалери во Лига Европа.
 
Агим Ибраими беше стрелец на убав погодок во 62. минута во победата на Марибор над Панатенаикос од 3-0.
 
Даниел Георгиевски ги одигра сите 90 минути за Стеауа која остана непоразена на гостувањето кај Штутгарт, натпреварот заврши 2-2.
 
Цел натпревар одигра и Дарко Тасевски за Шмона на гостувањето кај Атлетик Билбао, израелскиот тим одигра 1-1 против финалистот од минатата сезона.
 
Александар Лазевски и Игор Митрески имаа меѓусебна пресметка во Белград, натпреварот помеѓу Партизан и Нефчи заврши без голови 0-0.
 
Горан Пандев и Иван Тричковски не беа дел од натпреварите на своите тимови.