Шпанија | Роберто Карлос вели дека неговиот престој во Мадрид не е поврзан со трансфер на Кристијано Роналдо во Анжи...

Португалецот минатата недела ги шокираше сите со изјавата дека не е среќен на Сантијаго Бернабеу, па почнаа да кружат гласини дека Кристијано Роналдо сака да замине од Реал Мадрид.
 
Изминатиов викенд во Мадрид пристигна спортскиот директор на Анжи, Роберто Карлос па медиумите веднаш го поврзаа клубот од Макачкала со богата понуда за CR7.

Сепак, екс-фудбалерот на ’Кралевите’ вели дека неговиот престој во Мадрид не е поврзан со трансфер на Кристијано Роналдо во Анжи.
 
“Многу луѓе ме прашуваат дали сме дојдени за да го купиме Кристијано Роналдо, но одговорот е не.” – рече Карлос за LigaBBVA.com.
 
“Доколку тој не сака да ги прославува погодоците, ние што ги гледаме натпреварите ќе ги прославуваме.”
 
“Тој не треба да се грижи, луѓето навистина го обожаваат. Не треба да се грижи за ништо.”
 
“Проблемите ќе се решат. Роналдо е феномен.”
 
Во меѓувреме, AS објави дека во среда, Кристијано Роналдо ќе се сретне со претседателот на Реал Мадрид, Флорентино Перез и со тренерот на ’Кралевите’ Жозе Мурињо.