Македонија | Македонската репрезентација во добро расположение и со голем оптимизам утрово пристигна во Загреб, каде во петок ќе го одигра дуелот со Хрватска во квалификациите за СП 2014...

Голем број на новинари утрово ги пречекаа нашите репрезентативци на аеродромот Плесо во Загреб, а секако најголем интерес привлече нашиот најдобар фудбалер Горан Пандев, кој вети дека Македонија ќе се обиде да им ги помати сметките на ’Коцкастите.
 
“Хрватска е фаворит, но тоа не значи дека ние однапред ќе се предадеме.” – рече напаѓачот на Наполи.
 
“Натпреварот ќе биде тежок, но се надеваме на добар резултат. Имаме свои адути.”
 
Слично размислување има и нашиот селектор, Чедомир Јаневски.
 
“Очекувам да одиграме добар натпревар, а секако Хрватска е фаворит. Се надеваме на бод.” – прокоментира на кратко селекторот на Македонија.
 
Натпреварот помеѓу Хрватска и Македонија се игра на Максимир во петок со почеток во 20:15.