Англија | Вејн Руни вели дека му се допаднало играњето во средниот ред, и може да се види себеси на оваа позиција во подоцнежниот дел од кариерата...

Напаѓачот, минатата сезона на неколку натпревари беше прекомандуван во средниот ред поради големиот број на повреди со кои се соочуваше Сер Алекс Фергусон.
 
Ваквото ново искуство му се допаднало на Вејн Руни, па Англичанецот вели дека може да се види себеси како игра во средниот ред во подоцнежниот дел од кариерата.
 
“Играв во средниот ред минатата сезона кога имавме голем број на повреди.” – рече Руни.
 
“Менаџерот мисли дека можам добро да ја завршам работата, па со повредите на Том Клеверли, Андресон, Мајкл Карик и Дарен Флечер, ме замоли да помогнам во средниот ред.”
 
“Ми се допаѓа кога играм како централен плејмејкер. Топката почесто е кај мене, инволвиран сум често во нападите, па дури и размислував за идејата да играм во средниот ред во подоцнежниот дел од кариерата.”
 
“Зошто? Во средниот ред не ми е потребна острина во играта како во нападот.”
 
“Кога ќе почувствувам дека не можам да ги поминувам дефанзивците, веројатно ќе се вратам во средниот ред на неколку сезони со цел да имам влијание врз играта.”
 
“Преферирам да играм во нападот, но не ми пречи да се жртвувам.”