Италија | ’Виолетовите’ бараат компензација од Димитар Бербатов за авионските билети што беа купени за напаѓачот и неговиот агент...

Минатата недела се чинеше дека Димитар Бербатов е блиску до преселба во Фиорентина, откако ’Виолетовите’ постигнаа договор со Манчестер Јунајтед за условите под кои ќе се реализира зделката.
 
Фиорентина дури и купи билети за Димитар Бербатов и неговиот агент Емил Данчев да пристигнат во Фиренца за да се финализираат деталите и да се комплетира трансферот.
 
Сепак, напаѓачот се предомисли, најпро започна преговори со Јувентус, а на крајот ја прифати понудата на Фулам.
 
Лидерите на Фиорентина беа бесни од ваквиот потег на напаѓачот, и остро го нападнаа начинот на кој Бербатов се однесувал во преговорите.
 
Сега тие си ги бараат и парите за двата авионски билети купени за Бербатов и неговиот агент.
 
“Сакаме да ни бидат вратени парите што ги потрошивме за двата авионски билети од прва класа.” – рече спортскиот директор на Фиорентина, Даниеле Праде.
 
“Никогаш не сум видел вакво однесување. Среќен сум што тој не дојде во Фиорентина.“