Англија | Бакари Сања вели дека заминувањето на Робин ван Перси и Алекс Сонг е голема загуба, и додава дека може да разбере зошто фановите се вознемирени...

Репрезентативецот на Франција, кој во моментов е надвор од стројот поради фрактура на ногата, вели дека очекувал Ван Перси да замине од Арсенал, но бил изненаден од продажбата на Алекс Сонг.
 
“Очекував Робин ван Перси да замине, но не и Алекс Сонг. Тоа беше изненадување. Сеуште не разбирам зошто.” – рече Сања.
 
“Ова е голема загуба за клубот. Тие беа двајцата најдобри фудбалери на Арсенал минатата сезона. Разбирам зошто фановите се вознемирени.”
 
Сања потоа додаде: “Сонг имаше уште три години од договорот, сеуште не разбирам зошто беше продаден.”
 
“Кога гледате дека двајцата најдобри фудбалери од минатата сезона заминуваат, поставувате многу прашања.”
 
“На улица, фановите понекогаш доаѓаат да се поздрават со мене. Ја разбирам нивната фрустрација.”
 
“Ситуацијата не е алармантна, но ве нервира.”
 
“Јас сум единствениот фудбалер од стартниот состав во 2007 што сеуште е дел од Арсенал.”
 
“Во мај ја гледав парадата на Манчестер Сити со трофејот од Премиерлигата. Ги видов Самир Насри и Гаел Клиши како го креваат трофејот. Го сакам тоа.”
 
“Мојата ситуација? На крајот од сезоната ќе имам уште една година од договорот. Никој од клубот не стапил во контакт со мене за продолжување на договорот.“
 
“Во моментов, целта е се вратам на терените, да играм за Арсенал, и повторно да влезам во форма. Ќе видиме што ќе се случи потоа... Секој има сопствена судбина.”