Англија | Арсен Венгер верува дека Тео Волкот ќе остане на Емирати Стадионот, и вели дека репрезентативецот на Англија го обожава Арсенал...

Се шпекулираше дека ’Топџиите’ ќе го продадат Тео Волкот во последните денови од преодниот рок доколку фудбалерот не стави потпис на нов договор.
 
Тео Волкот е обврзан кон Арсенал до 30. јуни 2013, и веќе ја одби понудата на ’Топџиите’ за нов петгодишен договор со неделна плата од 75 000 фунти.
 
Но вчера во вечерните часови медиумите од ’Островото’ објавија дека Волкот имал средба со Арсен Венгер на која било одлучено фудбалерот да остане на Емирати Стадионот и да продолжат преговорите.
 
Ваквата сторија сега ја потврди самиот Венгер, кој на денешната прес конференција рече: “Тео не е опседнат со пари.”
 
“Постои мала разлика (во преговорите). Сакаме да го продолжиме неговиот договор.”
 
“Мислам дека тој го обожава Арсенал.”