Италија | Лидерите на Сион денеска пристигнале во Торино во обид да го убедат Алекс Дел Пјеро да се пресели во првенството на Швајцарија...

Од таборот на Сион никогаш не криеле дека посакуваат да го ангажираат Алекс Дел Пјеро, но клубот од Швајцарија сега достави конкретна понуда до напаѓачот.
 
Како што пренесуваат медиумите од Италија, претседателот на Сион, Кристијан Константин во придружба на спортскиот директор Марко Деџенаро попладнево пристигнале во Торино на средба со Стефано Дел Пјеро, братот на Алекс.
 
Дел Пјеро, кој ова лето се раздели со Јувентус по 19 години поминати во клубот, доби неколку примамливи понуди од Тајланд, Јапонија и Индија, но реши да ги одбие.
 
Се шпекулира дека напаѓачот би можел да ја прифати понудата на Сион и да му се приклучи на својот сонародник Џенаро Гатузо, кој е капитен на клубот од Швајцарија.