Италија | Горан Пандев има големи пофалби за неговиот соиграч Лоренцо Инсигне за кој смета дека може да има кариера како Лионел Меси...

21-годишниот фудбалер се врати во Наполи откако изминатите две сезони ги помина на позајмица во Фоџа и Пескара.
 
Инсигне блеска на подготвителните натпревари за Наполи, а Пандев има само пофалби за својот помлад соиграч.
 
"Го запознав на подготовките во Димаро, тој е одлично момче и на натпреварот против Леверкузен сите видовме што може да направи" - изјави Пандев за Radio Marte.
 
"Инсигне е силен фудбалер со добар карактер. Според играта и дриблинзите ме потсетува на Меси иако Аргентинецот е најдобар во светот".
 
"Мислам дека Инсигне има шанса да направи кариера како феноменот на Барселона".
 
Младиот италијански фудбалер беше вратен во Наполи откако Лавеци замина во ПСЖ.
 
"Инсигне е поинаков од Лавеци. Тие се слични во ситуациите еден на еден, но мислам дека Лоренцо има подобро око за гол отколку Езекиел. Од него зависи како ќе се покаже".
 
По една година помината како позајмен фудбалер, Горан Пандев со одличните игри во дресот на Наполи, заработи перманентен договор.
 
"Мојата приказна во Наполи се промени на натпреварот против Јувентус. Сеуште се сеќавам на овациите од стадионот Сан Паоло. Штета што не успеавме да го добиеме тој натпревар".
 
"Јувентус ми носи среќа, но очекувам тежок натпревар во Пекинг на 11 август. Сакаме да се вратиме во Неапол со трофејот од Италијанскиот Супер Куп".

Powered by: 24 FUDBAL.com.mk