Шпанија | Ласана Диара ги негира гласините кои велат дека не сака да игра на позицијата десен бек, велејќи би играл на секој дел од теренот на кој ќе му каже Жозе Мурињо...

Во шпанските медиуми се појавија гласини кои велеа дека Ласана Диара му соопштил на Жозе Мурињо дека не сака да игра на позицијата десен бек.
 
Диара главно настапува во средината на теренот, но по потреба игра и на десната бековска позиција.
 
Францускиот фудбалер ги негира ваквите информации, велејќи дека ќе игра на било која позиција во тимот.
 
"Играм на секоја позиција на која ќе ме стави Мурињо. Јас сум неуморен работник кој дава се од себе за тимот" - изјави Диара за официјалната страна на клубот.
 
Десната бековска позиција на која игра Алваро Арбелоа се посочува како најслаба алка во тимот на Реал Мадрид.
 
Жозе Мурињо преферира Серхио Рамос да игра како централен дефанзивец, па доколку Реал Мадрид не ангажира нов десен бек, Диара ќе биде една од алтернативите за таа позиција.

Powered by: 24 FUDBAL.com.mk