Англија | Според пишувањата на Daily Mirror, Манчестер Сити е фаворит за потписот на младиот напаѓач на Кан, М’Баје Нианг...

17 годишниот Французин минатата недела беше на проба во Арсенал, и се шпекулираше дека Арсен Венгер ќе го ангажира фудбалерот откако бил импресиониран од она што го видел.

Интерс за М’Баје Нианг пројавува и Тотенхем, а напаѓачот доби покана и од ’Спарси’ да помине неколку дена на проба на Вајт Харт Лејн.

Според денешното издание на Daily Mirror, двата клуба од Лондон би можеле да извисат во оваа битка, со оглед на тоа дека и Манчестер Сити се приклчиле во трката за потписот на М’Баје Нианг.

Весникот вели дека ’Граѓаните’ веќе оствариле директен контакт со Кан, и го поканиле младиот фудбалер во Манчестер на разговори.

Актуелниот шампион на Англија располага со поголема финансиска моќ од Арсенал и Тотенхем, и на М’Баје Нианг можат да му понудат многу поголема плата.

Powered by: 24 FUDBAL.com.mk