Евро 2012 | Селекторот на португалската репрезентација, Пауло Бенто вели дека неговиот тим никогаш не ја менува стратегијата без разлика на противникот...

Португалија ја помина групата на смртта и како фаворит влегува во првиот четвртфинален натпревар против Чешка.
 
"Она што го правевме е тоа, дури и во најтешките моменти, не го менувавме нашиот стил, стратегија, идентитет" - вели Бенто.
 
"Ќе се обидеме ја држиме главата на рамења и да се фокусираме на она на кое работевме".
 
"Составот е задоволен, тимот кој играше против Германија, Данска и Холандија нема да има проблеми со психолошкото опоравување од тие натпревари. Физички исто така сме добри".
 
"Ќе се обидам индивидуалното задоволство на фудбалерите да го трансформирам во колективно".
 
"Но мојата најголема желба е целиот португалски народ да слави по вечерашниот натпревар".

Powered by: 24 FUDBAL.com.mk