Евро 2012 | Селекторот на Германија, Јоаким Лев инсистира дека актуелниот шампион Шпанија останува фаворит за триумф на ЕВРО 2012...

’Црвената Фурија’ не покажа импресивни игри во фазата по групи, па многумина ја посочуваат Германија како главен фаворит, откако ’Панцирите’ забележаа три победи и 100% учинoк во ’групата на смртта’.
 
Сепак, селекторот на Германија, Јоаким Лев инсистира дека Шпанија останува фаворит за триумф на ЕВРО 2012.
 
“Во два наврати ја гледав Шпанија и дефинитивно се работи за репрезентација од светска класа.” – рече 52 годишниот Лев.
 
“Тие едноставно ги доживеаа истите проблеми што тука ги имаа уште неколку селекции. Нивните противници играа повлечено, се бранеа и се обидуваа да им го пореметат ритамот.”
 
“Но Шпанија и понатаму е способна одеднаш да креира шанса за гол. Имаат фантастични фудбалери, како на пример Андрес Иниеста, кој е продукт на одлична фудбалска култура.”
 
“Шпанија секогаш беше, и останува фаворит за триумф на ЕВРО 2012.”

Powered by: 24 FUDBAL.com.mk