Евро 2012 | Селекторот на Англија, Рој Хоџсон на располагање ги има сите 23. фудбалери, па е ставен на слатки маки во пресрет на дуелот со Украина...
Откако паузираше два натпревари поради суспензија, Вејн Руни повторно е во комбинација за настап, и Хоџсон признава дека напаѓачот на Манчестер Јунајтед ќе биде стартер против Украина.
И покрај тоа што се жалеше на повреда изминативе два дена, Тео Волкот ќе биде фит за денешниот натпревар.
Дени Велбек и Енди Керол одиграа добро на дуелот со Шведска, па селекторот на Англија не знае кој ќе му биде партнер на Руни во нападот.
“Одлуката ќе биде тешка, бидејќи Енди и Дени одиграа многу добро.” – рече Хоџсон.
“Поради нив имам класична менаџерска главоболка, но ова е главоболка која сите ја сакаат бидејќи имам на располагање фудбалери кои играат добро и се борат за место во тимот.”
“Ставив јасно до знаење дека Руни ќе игра во нападот, па сега треба само да одлучам кој ќе му биде партнер.”
Хоџсон потоа додаде: “Нашата амбиција беше јасна од самиот старт. Дојдовме тука со надеж да имаме добро првенство, да играме добро и да ја поминеме групата.”
“Сеуште не сме го оствариле тоа и пред нас сега е голем натпревар.”
“Секогаш сме верувале дека можеме да одиграме добро на ова натпреварување и токму тоа планираме да го сториме.”
Англија и со реми ќе се најде во четврт-финале, но Хоџсон ги предупредува своите фудбалери да не се опуштаат.
“Ништо не ни е загарантирано. Веќе се случија неколку изненадувања, па потребно е да бидеме претпазливи.”
“Потребно е да го дадеме максимумот, исто како на претходните два натпревари.”
Powered by: 24 FUDBAL.com.mk
