Евро 2012 | Обложувалницата Paddy Power соопшти дека ќе ја плати казната од 100 000 евра која УЕФА вчера му ја изрече на напаѓачот на Данска, Никлас Бендтнер...

Европската куќа на фудбалерот го обвини Данецот за недолично однесување, и му изрече парична казна од 100 000 евра и еден натпревар суспензија.
 
УЕФА одлучи дека Никлас Бендтнер ги прекришил правилата за ’скриен маркетинг’ при начинот на кој напаѓачот го прослави својот втор погодок на дуелот со Португалија.
 
Откако на десетина минути до крајот на средбата ја затресе мрежата на Руи Патрисио и изедначи на 2-2, Бендтнер ги спушти шорцевите и го подигна дресот, по што се виде логото на обложувалницата Paddy Power на неговата долна облека.
 
Од таборот на Paddy Power денеска излегоа со соопштение во кое се вели дека тие ќе ја платат казната од 100 000 евра која ја заработи Бендтнер.
 
Обложувалницата вели дека добиле голем број на пораки од клиенти кои велеле дека Бендтнер бил неправедно обвинет, и дека УЕФА спроведува двојни стандарди.

Powered by: 24 FUDBAL.com.mk