Евро 2012 | Селекторот на Украина, Олег Блохин вели дека Англија е фаворит во вечерашниот дуел, па притисокот е на нивна страна...

Украина е пред историска шанса, со победа над Англија ко-домаќинот на европското првенство ќе се пласира во 1/4 финалето.
 
Гордиот Албион е фаворит во овој дуел, па Блохин смета дека неговите фудбалери растеретено ќе влезат во натпреварот за разлика од Англичаните кои можеби ќе бидат нервозни.
 
"Англија е фаворит, па притисокот е на нивна страна" - вели Блохин.
 
"Ние сме порелаксирани. Доколку резултатот не е добар а сме се бореле на теренот до последната минута, тоа нема да биде лошо за нас".
 
"Градиме нов тим, млад тим. Мислам дека Англија ќе биде многу нервозна".
 
За разлика од Англија на која им се враќа Вејн Руни, селекцијата на Украина има проблеми во нападот, поради повреда неизвесен е настапот на Шевченко.
 
"Доколку Шева не може да настапи, тоа ќе биде голема загуба за нас" - вели Блохин според кој шансите за настап на украинската ѕвезда се 50-50.

Powered by: 24 FUDBAL.com.mk