Италија | Генералниот директор на Милан, Ариедо Браида ги негира информациите за трансфер на Тиаго Силва во ПСЖ, и покрај силните шпекулациите дека тоа ќе се случи наскоро...
Силни се гласините дека Милан ќе го продаде Тиаго Силва во ПСЖ, се шпекулира дека богатиот клуб од Франција нуди сума помеѓу 40 и 50 милиони евра.
Сепак директорот на Милан, Ариедо Браида негира дека Тиаго Силва ќе биде продаден.
"Треба да останете мирни. Нема да го продадеме Тиаго Силва" - изјави Браида.
Спротивно на тврдењата на Браида, информациите од медиумите во Франција и Италија велат дека Галијани ќе отпатува во Париз за да ги договори деталите околу трансферот на Силва во ПСЖ.
Агентот на бразилскиот фудбалер, Паоло Фернандо Тонието информира дека постојат преговори помеѓу двата клуба.
"Постојат преговори помеѓу Милан и ПСЖ, но не знам дали Милан ќе го продаде" - изјави агентот за TMW.
"Доколку Милан одлучи да го пушти, тоа ќе биде вистински период Тиаго да го промени клубот".
"Сите големи клубови во Европа би биле заинтересирани за Тиаго Силва, но речиси сите мислат дека тој нема да биде продаден бидејќи зборуваме за еден од најдобрите фудбалери на Милан".
Последните информации велат дека ПСЖ уште утре ќе го потврди трансферот на Тиаго Силва.
Powered by: 24 FUDBAL.com.mk
