Германија | Спортскиот суд при ФФГ ја намали казната на Леван Кобиашвили, дефанзивецот на Херта сега ќе биде суспендиран седум ипол месеци...

И вака намалената казна што ја доби денеска репрезентативецот на Грузија, е рекордна за германскиот фудбал.

34 годишниот Леван Кобиашвили од зад грб го удри во глава судијата Волфганг Штарк по финишот на вториот натпревар од плеј-оф дуелот помеѓу Фортуна Дизелдорф и Херта, кога тимот од Берлин испадна од Бундеслигата.

Во прв момент Фудбалската Федерација на Германија му изрече на Кобиашвили суспензија од една година.

Но по поднесената жалба, спортскиот суд при ФФГ денеска реши да ја намали суспензијата на седум ипол месеци.

Кобиашвили сега нема да може да настапува за Херта до 31. декември.

Спортскиот суд за по еден натпревар ја намали суспензијата и на Томас Крафт (сега ќе паузира четири натпревари) и Андре Мијатовиќ (сега ќе паузира три натпревари).

Жалбата на Кристиан Лел, кој доби суспензија од шест натпревари, ќе биде разгледана во текот на неделава.

Powered by: 24 FUDBAL.com.mk