Англија | Напаѓачот на Арсенал, Робин ван Перси одбива да говори за својата иднина, вели дека е фокусиран само на Европското првенство...

Во интервју за торинскиот весник Tuttosport, Робин ван Перси беше запрашан за можен трансфер во Јувентус.
 
"Јувентус е голем тим. Но со Арсенал се договорив дека нема да зборувам во медиумите за мојата иднина" - изјави Ван Перси.
 
"Се што можам да кажам е дека мојата намера е да имам одлично ЕВРО 2012 и да го освоиме. Исто така можам да кажам дека сакам да продолжам да играм во Лигата на Шампионите".
 
"Никогаш не сум се чувствувал посилен, сакам да продолжам да победувам".
 
"Во моментов сакам само да се фокусирам на Европското првенство. Потоа ќе имам време за решавање на другите прашања".
 
Ван Перси најчесто се поврзува со трансфер во Јувентус, но и Манчестер Сити е еден од кандидатите за неговиот потпис.

Powered by: 24 FUDBAL.com.mk