Шпанија | Кристијано Роналдо смета дека е подобар фудбалер од Лионел Меси, а Реал Мадрид е подобар клуб од Барселона...

CR7 многу често е споредуван со Лео, и во интервју за CNN, Португалецот признава дека ваквите компарации понекогаш му одат на нерви.
 
Но Роналдо исто така признава дека конкуренцијата со Меси прави тој да биде подобар на теренот.
 
“Некои луѓе велат дека јас сум подобар, други велат дека тој е подобар.” – рече Роналдо.
 
“На крајот, фановите се тие кои одлучуваат кој е најдобар фудбалер.”
 
“Во моментов... мислам дека јас сум подобар.”
 
“Понекогаш (споредбите со Меси) ме заморуваат... мислам дека и тој се чувствува така, бидејќи премногу често не споредуваат.”
 
“Не можете да споредите Ферари со Порше, бидејќи се работи за различни мотори. Не можете да направите споредба помеѓу овие два автомобили.”
 
“Меси одлично си ја врши работата во Барселона, а јас во Реал Мадрид.”
 
“Но мислам дека конкуренцијата помеѓу него и мене не притиска да играме подобро. Затоа нивото на игра е толку високо. Затоа Реал Мадрид и Барселона се најдобри тимови во светот.”
 
Роналдо потоа проговори за ривалството помеѓу ’Кралевите’ и ’Каталонците’.
 
“Бодовите доволно говорат.”
 
“Девет бода е разликата помеѓу Реал Мадрид и Барселона. Тоа е многу тука во Шпанија.”
 
“Одигравме подобро од нив оваа година, сигурен сум во тоа. Пред еден месец победивме со 2-1 на Камп Ноу... малку клубови можат да го сторат тоа, тоа е многу тешко, па заслужено го освоивме првенството.”
 
“Во моментов сме подобри од Барселона, но потребно е да ги почитуваме бидејќи тие се одличен тим.”

Powered by: 24 FUDBAL.com.mk